Замонамиз қаҳрамони ҳақида китоб

“Замонамиз қаҳрамонлари” рукни остида чоп этилган нашрда сўлим Булоқбоши тумани Кулла қишлоғида деҳқон оиласида камол топган оддий ўзбек ўғлони тимсолида мустақил Ўзбекистонимизнинг спорт борасидаги улкан салоҳияти ифода этилган.

Биринчи Президентимиз эътибори ва ғамҳўрлиги, яратилган шароитлар, мураббийлар меҳнати, чарм қўлқоп устасининг матонати ва шижоати, қолаверса, халқимизнинг қўллаб-қувватлаши уйғунлашиб кетган бу ғалаба китоб орқали тарих зарварақларига муҳрланди.

Тақдимот маросимида Андижон вилояти ҳокими Шуҳрат Абдураҳмонов, Олимпиада чемпионлари Муҳаммадқодир Абдуллаев, Ҳасанбой Дўсматов, китоб муаллифлари Ўзбекистон халқ шоири, Олий Мажлис Сенати аъзоси Иқбол Мирзо, таниқли ижодкор Нодир Жонузоқ ва Ориф Толиб ҳамда оммавий ахборот воситалари ходимлари, кенг жамоатчилик вакиллари иштирок этдилар.