«Дўстлик» чегара пости замонавий қиёфа касб этади

Бугун вилоят ҳокими Андижонни Қирғизистон Республикаси билан боғловчи «Дўстлик» чегара постида бўлиб, у ердаги шароит билан танишди.

Чегарадаги фуқаролар билан суҳбат қуриб, уларнинг кайфияти, бориш ва келишда уларга ыийинчиликлар туғдириши мумкин бўлган муаммолар билан қизиқди. Айтиш жоизки, «Дўстлик» пости узоқ йиллар фойдаланишда бўлмаганлиги сабабли ҳудудда таъмирлаш, ободонлаштириш зарурати мавжуд эди. Шуни инобатга олиб, тегишли ташкилотларга ҳудудни асфальтлаш, автотураргоҳни янгилаш, фуқаролар ўтиш йўлакларини замонавий қиёфақа келтириш юзасидан топшириқлар берилди. Бундан ташқари фуқароларнинг мамлакатга кириш чиқишларини ҳужжатлаштириш, текшириш қурилмаларининг ишлаши билан боғлиқ ишларни кўриб чиқди.