Бош саҳифа / Янгиликлар / 2478 нафар фуқаро иш билан таъминланди
  Чоп этиш версияси     Юклаб олиш (pdf)

2478 нафар фуқаро иш билан таъминланди

Андижон олимпия захиралари коллежида вилоят ҳокимлиги, прокуратураси ҳамда меҳнат бош бошқармаси ҳамкорлигида “Таълим + карьера ва бўш иш ўринлари” ярмаркаси бўлиб ўтди. Унда вилоят ҳокими Шуҳратбек Абдураҳмонов иштирок этиб, аҳоли бандлигини таъминлаш борасида олиб борилаётган саъй-ҳаракатлар, хусусида сўз юритди.

Ярмаркада Андижон шаҳридаги 400 дан ортиқ корхона, ташкилот ва муассасалар бўш иш ўринлари билан қатнашди. Вакансиялар 1343 таси ўрта- махсус маълумотга эга фуқароларни иш билан таъминлаш имкониятини берди.


- Илгари бундай меҳнат ярмаркаларида иштирок этмаган эдим. - дейди, Феруза Жўраева. – Андижон тиббиёт коллежини тамомлаганман. 2-туғруқ комплексида ҳамшира бўлиб ишлаш учун йўлланма олдим. Бундан жуда хурсандман.


Албатта, бундай тадбирларнинг мунтазам ўтказилиши ишсиз фуқароларни иш билан таъминлашда муҳим аҳамият касб этади.


- Дуродгорман, - деди Нодирбек Жўраев. –Ярмаркага ўзимга мос иш излаб келган эдим. Андижон давлат университети қошидаги 2- академик лицейи томонидан билдирилган таклиф менга маъқул келди. Келгусида ушбу даргоҳда дурадгор бўлиб ишлайман.


Шу куни Андижон шаҳрида истиқомат қилаётган 2478 нафар ишсиз фуқаро бандлиги таъминланди.

манбаа auz.uz





Киритилган вақти: 13/02/2017 12:33 Кўрилганлиги: 4353
 
Жами мурожаатлар: 1376 (100%)
Кўриб чиқилган: 1092 (79%)
Кўриб чиқилмоқда: 284 (21%)

Сайтдаги интерактив хизматларга баҳо беринг

Матнда хатолик топдингизми?
 
 
Ҳозир онлайн
Руйхатдан утганлар: 1
Мехмонлар: 64
Белгиланган матнни укиш учун ушбу тугмани босинг